ქეთა თოფურიამ წითელ მოედანზე "რუსეთის დღისადმი" მიძღვნილ კონცერტზე იმღერა

12 ივნისს "რუსეთის დღე" ქვეყნის დედაქალაქში გრანდიოზული კონცერტით აღინიშნა. წითელ მოედანზე გამართულ შოუში რუს შემსრულებლებთან ერთად ქართველმა მომღერლებმა - სოსო პავლიაშვილმა, თამარ გვერდწითელმა და ქეთა თოფურიამაც მიიღეს მონაწილეობა.

ქეთა სცენაზე რუსეთის დროშის ფერებში გადაწყვეტილი მინი-კაბით გამოვიდა და А' Студио-სთან ერთად სიმღერა Просто прощай შეასრულა.

11 ივნისს თბილისში ქეთა თოფურიამ 8-წლიანი პაუზის შემდეგ პირველად იმღერა. დიდ საკონცერტო დარბაზში გამართულ კონცერტზე მომღერალი მსმენელის წინაშე ჩოხის ელემენტებში შექმნილი კაბით წარსდგა.